«GALANZ bottlers» АҚ қызметі 1998 жылы ауыз суын өндіру мен тасымалдаудан басталды. Саясатты тиімді жүргізудің, инновацияларды уақытылы енгізудің және тиісті инвестициялардың арқасында компания салқын шай, квас, құрамында шырыны бар және басқа да алкогольсіз сусындар құю өндірісін 20 жылдан аса уақыт бойы жетілдіріп келеді.

Компания отандық өндіруші болып табылады сондықтан тұтынушылар тарапынан жүктелген сенім мен әлеуметтік жауапкершілікті сезініп мемлекетіміздің бүгіні мен болашағының игілігі үшін қызмет етуді парыз деп санайды. Біз қазақстандық азық-түлік өнімдері мен салқындатылған сусындарды өндіру нарығын сондай-ақ жалпы бизнестің дамуына ықпал етуге ұмтыламыз.

Біз сіздерді нәрлендіріп, шөліңізді қандырып келе жатқанымызға ширек ғасырға жуық уақыт болған екен. Бүгінгі таңда біздің өнімді тек Қазақстанда ғана емес, шет елде де жақсы көреді, сүйсініп ішеді. Біз бұл жетістігімізбен мақтанамыз сондықтан жыл сайын зауыттың өндірістік қуатын арттыруға тырысамыз. Қазіргі таңда итальяндық "Sidel" компаниясының жаңа желісі сағатына 24000 бөтелке шығарады.

2004 жылы Алтай-2 ауданында алғашқы зауыт салынды. Екінші зауыт 2007 жылы Сүйінбай даңғылының бойында бой көтерді. Үшінші зауытты 2010 жылы сатып алдық. 2013 жылы "DAMU" индустриялық-логистикалық орталығының аумағында мүлдем жаңа зауыт салынып, іске қосылды.

Біздің кәсіпорын үшін судың маңызы зор. Оны дайындауға ерекше мән береді, себебі қаттылық тұрғысынан судың сапасы неғұрлым жоғары болса, сусындардың да сапасы соғұрлым жоғары болмақ, ұзақ мерзімге сақтауға болады. Өндірісте қолданылатын су тереңдігі 370 метр артезиан ұңғымасынан алынады. Су бірнеше тазарту кезеңдерінен өтеді, оған құм мен көмір сүзгілері арқылы тазарту, ион алмастырғыш шайырмен фильтрді жұмсарту және жұқа сүзгі арқылы тазарту кіреді. Тазартудың соңғы кезеңі – кері осмос. Цехта сағатына 200 тонна су тазартудан өтеді.

«GALANZ bottlers» зауытының ПЭТ преформа шығаратын жеке меншік желісі бар, бұл өндіріс үшін өте ыңғайлы әрі өнім бағасының арзан болуына айтарлықтай әсер етеді. ПЭТ преформаларды қыздырғаннан кейін оны созып үрлеу арқылы одан пластикалық бөтелкелер жасайды. Пэт преформалар түйіршіктелген полимер – полиэтилентерефталатты престеу арқылы жасалады. Бөтелкенің түсі түйіршіктерден преформа жасау кезінде түзіледі.

Сусындардың барлығы арнайы рецепт пен нұсқаулыққа сәйкес дайындалады. Өндірістегі әрбір шикізатты қолданар алдында ең әуелі Сапаны бақылау департаменті толық тексерістен өткізіп, қолдануға болатыны жайлы рұқсатнама беруі керек. Ондай рұқсатсыз шикізатты өндірісте пайдалануға болмайды.

Зауыт жыл сайын ISO 9001:2015 және ISO 22000:2018 стандарты бойынша сертификаттаудан өтеді, бұл кәсіпорынның менеджмент жүйесінің сапасы әлемдік талаптарға сәйкес екенін білдіреді. ISO сертификаты әрбір қызметкердің үздіксіз кәсіби дамуын, инновациялық технологияларға сәйкестігін, сондай-ақ өнімнің сапасы жоғары екенін растайды. Біз HACCP тамақ өнімдерінің қауіпсіздік қағидаларын қатаң қадағалаймыз (ағылш. Hazard Analysis and Critical Control Points). НАССР бүкіл әлемде тамақ өнімдерінің қауіпсіздігін қамтамасыз етудің ең тиімді әдістемесі.